Nuarbeko hilerrian oroitu dute Angel Otaegi, haren hilketaren 46. urtemugan

Gaur Angel Otaegi zenari Nuarbeko hilerrian egin diote omenaldia. (Azpeitiko Udala)

Gaur, astelehena, Nuarbeko hilerrian izan dira hainbat herritar, Angel Otaegi zena oroitzen. Izan ere, duela 46 urte, gaurko egunez, Angel Otaegi nuarbetarra eta Juan Paredes Manot Txiki zarauztar etakideak hil zituen Francoren erregimenak, baita FRAPeko beste hiru kide ere. Otaegiren familiakoak eta gertukoak izan dira gaur arratsaldean hilerria, eta Otaegiri lore eskaintza-eta egin dizkiote. Gainera, Nuarbeko hilerrian izan dira Udal Gorbenuko hainbat ordezkari ere; tartean, Nagore Alkorta alkatea.

Ez da Gudari Egunaren harira Azpeitiko ezker abertzaleak antolatu duen ekitaldi bakarra. Hain zuzen ere, atzo, igandea, Azpeititik Nuarbera mendi martxa eginda, ekitaldia eta bazkaria gauzatu zituzten hainbat lagunek frontoian.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide