Salgai daude El Drogasek martxoan Soreasun eskainiko duen kontzerturako sarrerak

El Drogas kontzertu batean.

Martxoaren 19an, larunbata, eskainiko du kontzertua Soreasu antzokian, Akustik Fraktion biraren barruan. Kontzertua akustikoa izango da, eta El Drogas sei musikarik lagunduta izango da agertokian.

Enrique Villareal El Drogas abeslari eta musikariak kontzertua eskainiko du datorren martxoaren 19an Azpeitian, Akustik Fraktion biraren barruan. Kontzertu akustikoak eskainiko ditu El Drogasek, sei musikarik lagunduta, eta Azpeitian egingo du geldialdietako bat.

Emanaldirako hainbat hilabete falta badira ere, Kulturaz kooperatibak dagoeneko salgai jarri ditu kontzerturako sarrerak. 21 eurotan eskura daitezke Kulturaz.eus webgunean. Emanaldia 20:00etan izango da.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide