Hasi dituzte Loiolako Inazio Hiribidean azpiegiturak eta irisgarritasuna hobetzeko lanak

Loiolako Inazio Hiribideko obrak hasi berriak dira.

Hiribideko 34 eta 36 zenbakien arteko zatia berritzeko proiektua gauzatuko du udalak. Construcciones Moyuak egingo ditu lanak eta hiru hilabeteko epea ezarri dute horiek osatzeko.

Aste honetan hasi dituzte Loiolako Inazio Hiribideko 34 eta 36 zenbakien arteko zatia berritzeko lanak. Udalak abuztuan iragarri zuen Construcciones Moyua enpresari esleitu zitzaiola obra hori, zegokion lehiaketa publikoa egin ondoren.

Azpiegitura sarea hobetzeko eta irisgarritasuna hobetzeko urbanizazio lanak egingo dituzte Loiolako Inazio Hiribideko aipatutako zatian. Lan horiek 255.885,49 euroko aurrekontua dute eta, aurreikusitako epeak betez gero, hiru hilabetetan bukatuko dituzte.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide