Iraurgi Berritzenen Turismo Sailak udarako prestatutako bisita gidatuetako beste bat izango da etzi, asteazkena. Hain zuzen ere, Loiola: San Inazioren omenez egindako santutegi barrokoa izenburupean eskainiko dute bisita, 17:00etan Loiolako Turismo Bulegoaren aurretik hasita. Besteak beste, santutegiaren historia ezagutzeko aukera izango dute parte hartzaileek.
Vicente Davilak gidatuko duen bisita doakoa izango da, baina beharrezkoa da aurrez izena ematea 943-15 18 78 telefono zenbakira deituta, i-loiola@urolaturismo.eus e-posta helbidera idatzita edo Loiolako turismo bulegora joanda.