Begoña Azkuek eta Pello Elorzak egindako lana eskertu du udalak, haien despedidan

Azkuek 2007tik egin du lan eraikin publikoetako garbitzaile gisa; Pello Elorzak, berriz, 1984tik egin du lana udal euskaltegian. Urteetan zehar egindako lanagatik eskertu nahi izan ditu Nagore Alkorta alkateak. 

Begoña Azkue eraikin publikoetako garbitzaileak eta Pello Elorza Udal Euskaltegiko euskara irakasleak bukatu dute beren lan ibilbidea, eta biek urteetan zehar egindako lana eskertu nahi izan du Azpeitiko Udalak haien despedidan. Azkue 2007tik aritu da garbitzaile lanetan; Elorza, aldiz, 1984tik izan da udal euskaltegiko euskara irakasle. Beraz, 14 eta 37 urte egin dituzte lan udal azpiegituretan. Hori dela eta, aitortza ekitaldia egin diete udaletxean, eta bertan izan dira haien lankideak nahiz udaleko ordezkariak; hain zuzen, Nagore Alkorta alkatea eta Josu Labaka zinegotzia. 

Alkortak eskerrak eman dizkie Azkueri eta Elorzari urte guzti horietan egindako lanagatik: "Urte guzti hauetan herriaren zerbitzura eginiko lana aitortu eta eskertu nahi dizuegu. Eta hemendik aurrera onena opa dizuegu zuen bizitzetan". 

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide