Goizean zein arratsaldean bederatzi ibilde zati egingo dituzte Gipuzkoako hainbat txokotan. Hasteko, Gorlatik Bergarara joango dira, eta ondoren, Angiozarretik Elgetara eta Elorriora. Handik, berriz, Arrasatera joango dira Kanpazarretik, eta laugarren zatia Oñatitik Gabiriara izango da. Gabirian bazkaltzeko tarte bat hartuko dute pilotuek, eta arratsalde partean Goierritik, Tolosaldetik eta Urolatik ibiliko dira ibilgailuak.
Lasterketa 20:00ak aldera amaituko dela aurreikusten dute Lagun Arteakoek, eta sari banaketa ordu erdi geroago egingo dute, Azpeitiko epaitegiaren aurreko plazan. Han banatuko dituzte irabazleentzat txapelak zein garaikurrak.