Udako GUKA magazina: bigarren atala

Atal berri honetan, bidaiatzeko beste modu bat erakutsiko du GUKA magazinak eta horretarako, Iosu Garate azpeitiarrarekin elkartuko da Mireia Galarza. Garatek autokarabana bat du, eta saio honetan bere esperientzia azaltzeaz gain, bidaiatzeko modu horrek eskaintzen dituen abantailez hitz egingo du. 

Urola Kosta eskualdea osatzen duten txoko, istorio eta protagonistei ahotsa ematea izan du helburu orain arte GUKA magazinak, eta helburu bera izango du udako GUKA magazin bereziak ere. Ostiralero egongo da ikusgai atal berria UKTko tokiko hedabideetan, Urola Kostako Hitzan eta Erlo Telebistan, eta bertan, Andoni Elduaienek, Mireia Galarzak eta Gorka Peñagarikanok udan zehar eskualdean egin daitezkeen plan proposamenak landuko dituzte. 

Bigarren atalean,  bidaiatzeko modu berri bat ezagutuko dugu, eta horretako Iosu Garate autokarabana gidari eta jabearekin elkartuko da Mireia Galarza. Orain arteko saio guztiak ikusgai daude honako lotura honetan.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide