Ostiral arratsaldean auto baten eta moto baten arteko istripua izan zen Loiolan. Abisua jaso orduko, Esklabetan duten egoitzatik ziztu bizian abiatu ziren osasun larrialdietako teknikariak. Ezbeharraren larritasuna alde batera utzita, ustekabe atsegina hartu zuten larrialdietako profesionalek, gidariek, euren kabuz, korridorea zabaldu baitzieten istripuaren lekura lehenbailehen iritsi eta zauritua ahal bezain azkarren artatzeko. Larrialdietako teknikariek eskerrak eman dizkiete gidariei, eta Esklabetatik istripuaren lekura arteko ibilbidea jasotzen duen bideoa argitaratu dute Twitterren.