AECC Gipuzkoa informazioa ematen eta boluntarioak bilatzen ari da

Betharram eraikinaren alboan jarri dute AECC Gipuzkoako kideek karpa.

Aurki irekiko du AECC Gipuzkoak bulego berria Azpeitian. Gaur goizean Betharram eraikin alboan egon dira boluntarioak, laguntza eskaintzen eta bulego berrirako boluntarioak bilatzen. Bihar ere hala egingo dute.

AECC Gipuzkoa Azpeitian bulego berria irekitzeko lanetan dabil, eta egunotan kalean ari dira elkartearen inguruko informazioa ematen. Gaur goizean postu bat muntatu dute boluntarioek Betharram eraikinaren alboan, eta bihar ere bertan izango dira. AECC Gipuzkoa elkarteak adierazi duenez, Urola Erdira "gerturatzen" ari dira –Zarautzen izan dute orain arte eskualdeko bulego bakarra–. Horretarako, boluntario berrien bila dabiltza, "laguntzeko prest" dagoen edonoren bila.

Elkarteak Urola Kostan minbiziaren aurkako astea antolatu du, ekainaren 7aren eta 11ren artean. Hainbat ekintza egin dituzte. Haien artean, gaur, osteguna, hitzaldia emango du Miriam Marquez psikologoak Basazabal jauregian, 17:00etan.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide