Bigarren urtez jarraian ez da zezenketarik izango saninazioetan

Saninazioetako zezenketetako une bat. (TorosAzpeitia)

Zezenketak bertan behera uztea erabaki du Azpeitiko Zezenzale Batzordeak. Hartutako erabakia "zaila eta mingarria" dela adierazi dute batzordeko kideek. 84 urteren ostean, bi urtez jarraian ez da zezenketarik izango saninazioetan. 

Aurten ere bertan behera utzi dituzte saninazioetako zezenketak. Ekainean sartzearekin batera jakinarazi zuen Azpeitiko Zezenzale Batzordeak aurtengo saninazioetara begira hartutako erabakia, atsekabez; izan ere, batzordeko kideentzat hartutako erabakia "zaila eta mingarria" da. Batzordeko kideek bigarren urtez jarraian utzi dituzte bertan behera saninazioetako zezenketak, besteak beste, pandemia tarteko. 

1936. eta 1937. urteetan ere ez zen zezenketarik izan Azpeitiko zezen plazan, orduko hartan Espainiako Gerra Zibilaren ondorioz. 84 urteren ostean, Azpeitia berriro gelditu da zezenketarik gabe bi urtez jarraian. 

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide