Koronabirusa Azpeitian

243 kasu berri hauteman dituzte Hego Euskal Herrian

Positibotasun tasa jaitsi egin da lau lurraldeetan; oro har, %3,5tik beherakoa da. Bizkaian hauteman dute kasu positiboen kopuru altuena (104), eta ondoren, Gipuzkoan (72), Nafarroan (38) eta Araban (29). 

Eusko Jaurlaritzak eta Nafarroako Gobernuak argitaratu dituzte atzo, larunbata, egindako PCR eta antigeno proben emaitzak. Lau lurraldeetan 7.298 proba egin zituzten guztira, eta horietatik 243k izan zuten emaitza positiboa. Lurraldeka, Bizkaian hauteman zuten kopuru altuena (194), eta ondoren, Gipuzkoan (72), Nafarroan (38) eta Araban (29). 

Positibotasun tasa jaitsi egin da lau lurraldeetan; Araban, Bizkaian eta Gipuzkoan %3,5etik %3,3ra, eta Nafarroan %4,1etik %3,5era. 

Ospitaleratzeei dagokienez, 13 pertsona ospitaleratu zituzten atzo Osakidetzaren mendeko erietxeetan. Gaur-gaurkoz, 80 pertsona daude ZIUetan Araban, Bizkaian eta Gipuzkoan. Osasunbideak, berriz, ez du ospitaleratzeen inguruko daturik eman. 

Bihar, astelehena, jakinaraziko ditu Osasun Sailak herriz herriko datuak.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide