Koronabirusaren pandemia garaian asko hitz egin da nerabeez, izan hezkuntzan zein aisialdian bizi duten egoeraz eta beren jarrerez. Baina zenbat hitz egin dute beraiek?
Azpeitiko Gaztelekuko lau gazte bildu ditu Argiak solasaldi txiki baterako, eta horiek beren ahotsa gehiago entzun beharko litzatekeela azpimarratu dute, errealitatea horrenbeste aldatu den honetan badutelako zer esan eta zer proposatu.
Bide beretik hitz egin dute Ane Arenas Gaztelekuko hezitzaileak, Jon Ziarsolo Harremanak hezkuntza elkarteko hezitzaileak eta Estitxu Arozena bertso irakasleak. Horien hitzetan ere, nerabeekin gehiago komunikatu behar du jendarteak.