Aimar Egiguren, Gipuzkoako lau eta erdikoan txapeldunorde

Etxaniz eta Egiguren (eskubian) sariak eskuetan dituztela gaur, Bergaran, finalaren ondoren. (Ilunpe)

Ilunpeko pilotariak 22 eta 16 galdu du Etxanizen kontra, gaur Bergaran jokatutako finalean. Kadeteen lehen mailan ere azpitxapeldun izan da Beñat Ezama.

Aimar Egiguren Gipuzkoako Lau eta Erdiko Mendebaldeko Txapelketa irabazteko atarian gelditu da. Azpeitiko pilotari jubenila seniorrekin lehiatu da txapelketa horretan, eta finalera iristea lortu ere bai, baina azken partidan amore eman behar izan du: 22 eta 16 irabazi dio Etxaniz bergararrak gaur Bergaran (Gipuzkoa) jokatu duten finalean.

Egiguren ez da izan asteburu honetan Gipuzkoako lau eta erdikoaren finaletan lehiatu den Ilunpe elkarteko pilotari bakarra. Herenegun, Beñat Ezamak mendebaldeko kadeteen lehen mailakoa jokatu zuen, eta hura ere txapeldunorde gelditu zen. Aretxabaletan, Jon Etxaniz azkoitiarraren kontra galdu zuen Ezamak, 22 eta 13.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide