LGBTfobiaz aritu dira hizketan Neska* Gazteen Txokoan

Neska* Gazteen Txokoko bigarren saioan LGBTfobiaz hitz egin dute. (Emakumeen Txokoa)

Gaur, ostirala, hainbat gazte elkartu dira LGBTfobiaz hitz egiteko Emakumeen Txokoan. Neska* Gazteen Txokoko bigarren saioa izan da gaurkoa.

Maiatzaren 17an LGTBfobiaren kontrako Nazioarteko Eguna izango da, eta gai horretaz hitz egiteko abagunea izan dute gaur, ostirala, Neska* Gazteen Txokoan. Hainbat herritarrek parte hartu dute Emakumeen Txokoan izan den bigarren saio horretan, eta gaiaren inguruko beren iritziak elkarbanatu dituzte solasaldian. Neska* Gazteen Txokoa ikasturtearen hasieran jarri zuten martxan, DBH 3. mailatik 18 urtera arteko Azpeitiko gazteek feminismoa taldean lantzeko aukera izan zezaten, eta datozen hilabeteetan saio gehiago izango dira.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide