Bertso saio musikatua antolatu du Erniarraitzek maiatzaren 16rako

Miren Amuriza. (EITB)

Beñat Gaztelumendi, Alaia Martin, Miren Amuriza eta Jon Maia ariko dira kantuan, Araitz Bizkai eta Gari Otamendi musikariek lagunduta. Kulturazen wegunean eskura daitezke sarrerak, hamar eurotan.

Erniarraitz bertsozale elkarteak ekitaldiak antolatzen jarraitzen du, Bertso Urtie egitasmoaren barruan, eta hurrengo hitzordua Azpeitian izango da. Zehazki, maiatzaren 16rako, igandea, bertso saio musikatua antolatu du, eta dagoeneko salgai daude sarrerak Kulturaz.eus atarian, hamar euroren trukean.

Beñat Gaztelumendi, Alaia Martin, Miren Amuriza eta Jon Maia ariko dira kantuan, Araitz Bizkai eta Gari Otamendi musikariek lagunduta. Gai-jartzaile lanak, berriz, Iker Iriartek egingo ditu.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide