Argi izpiak txarrantxen artean. 14 begirada kartzela feminismotik birpentsatzeko liburua oinarri hartuta, kartzela sistemak emakumeengan dituen eraginen inguruko hitzaldia izango da datorren astean Emakumeen Txokoan.18:30ean hasita, solasaldia eskainiko dute Oihana Etxebarrietak eta Maria Ruizek.
Bi horiek eta Laura Varak 2019an argitaratu zuten liburua, eta han jasotako ideiez-eta hausnartuko dute hilaren 21ean. Hain zuzen ere, kartzela emakumeentzat androzentrikoa, sexista eta diskriminatzailea dela adierazi dute solasaldiaren antolatzaileek; "gizonek gizonentzat sortutako egitura".
COVID-19ari aurre egiteko babes neurriak betetzeko, solasaldira joan nahi duten herritarrek aurrez izena eman beharko dute. Hain zuzen ere, emakumetxokoa@azpeitia.eus e-posta helbidera mezua idatz edo 688 75 10 00 telefono zenbakira dei dezakete horiek.