Guridi, Marrero eta Labaka Azpeitiaren ordezkari finalean

Guridi, Marrero eta Labaka Azpeitiko Udalaren banderarekin. (Reala)

Realeko gizonen lehen taldeak Sevillan ostatu hartu duen hotelean Gipuzkoako udalerri guztietako banderak jarri dituzte. Taldeko hiru azpeitiarrek Azpeitiko Udalaren banderarekin atera dute argazkia.

Realeko gizonen taldea Sevillan da dagoeneko, eta hasi da Espainiako Errege Koparen finalerako atzera kontaketa. Atzo iritsi zen taldea Andaluziako hiriburura, eta han ostatu hartu duen hotelean sorpresatxo bat izan zuten taldeko kideek: izan ere, hoteleko sarrerako pasilloan Gipuzkoako udalerri guztietako banderak jarri zituzten haiek iristerako. Gipuzkoako jokalariek beren herrietako banderekin atera zituzten argazkiak, eta azpeitiarrak ez ziren salbuespena izan: Jon Guridi erdilariak, Unai Marrero atezainak eta Mikel Labaka bigarren entrenatzaileak Azpeitiko Udalaren banderarekin atera zuten argazkia.

Honako lotura honetan ikus daiteke jokalarien iritsierako irudiekin Realak egin duen bideoa.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide