Autobusa antolatu dute Azpeititik Bilbon Eurokopa jokatzearen aurka egingo den manifestaziora joateko

Andoni Elduaien 2021ko api. 2a, 09:59

Hurrengo larunbatean egingo dute manifestazioa, eta dagoeneko eman daiteke izena Azpeititik Bilbora doan autobuserako.

'Eurocopa honi ez' plataformak manifestazioa deitu du apirilaren 10erako, Bilbon. 12:00etan hasiko da manifestazioa Bilboko San Mames estadioaren ondotik. Gelditu dezagun lelopean, aurten egitekoa den Eurokopa futbol txapelketari "ezetz" esango diote hala Bilboko kaleetan.

Bilbon Eurokopa jokatzearen aurkako deialdiara joateko, autobusa antolatu dute Azpeititik. Haginpe tabernan jarri dute manifestaziora joateko izen-emate orria. Apirilaren 10ean, 10:00etan abiatuko da autobusa Azpeititik Bilbora, eta manifestazioa amaitu bezain pronto itzuliko da autobusa handik herrira.