Mari Luz Esteban antropologoa eta idazlea Azpeitian izango da datorren martxoaren 31n, bere Andrazaharren manifestua liburuaren gaineko solasaldi feministan parte hartzeko. 18:30ean hasiko da saioa Emakumeen Txokoan eta Ainhoa Aldazabalek gidatuko du. Solasaldian parte hartu nahi dutenek aurrez eman behar dute izena, tokia gordetzeko; horretarako, emakumetxokoa@azpeitia.eus helbidera idatzi dezakete, edo 688 751 000 Whatsapp zenbakira mezua bidali, bestela.
Estebanek 2019an argitaratu zuen Andrezaharren manifestua, bere bigarren poesia liburua. "Liburu politiko-poetikoa da honakoa, eta poesiaz baliatuz, zahartzaroaz hausnartzera gonbidatuko gaitu Estebanek", diote hilaren 31ko solasaldiaren antolatzaileek.