Realaren autobus ofiziala Urola Kostako herri guztietatik pasatu da atzo eta gaur artean. Tokian tokiko banderak hartu dituzte bertako alkate edota zinegotzien eskutik, eta trukean Realeko ordezkariek txuri-urdina eman diete. Gurekin kanpainaren barruan eginiko ekitaldi xumeak izan dira: Realak Gipuzkoako herrietako banderak eraman nahi ditu Kopako finalera, Sevillara (Andaluzia, Espainia), jokalariek herriaren berotasuna senti dezaten. Gipuzkoako futbol taldearen autobusa lurralde historiko osoa zeharkatzen, eta gaur 11:00etan heldu da autobusa Azpeitira.
Azpeitiko Udaleko ordezkariek eta Realekoek banderak trukatu dituzte gaur, asteartea, anbulatorioaren aurrean.
