Familia ugariek martxoaren 31 bitartean eska ditzakete zerga hobariak

2021eko Ondasun Higiezinen Zergaren (OHZ) eta Trakzio Mekanikodun Ibilgailuen Zergaren (TMIZ) hobariak eskatzeko aukera dute herriko familia ugariek. Horiek udaletxeko Herritarren Arreta Zerbitzuen bulegoan egin beharko dute eskaera, edo bestela, online.

Familia ugariek 2021eko Ondasun Higiezinen Zergaren (OHZ) eta Trakzio Mekanikodun Ibilgailuen Zergaren (TMIZ) hobariak eskatzeko aukera dute martxoaren 31ra bitartean. Urtez urte eskatu behar izaten dira hobariak, eta aurten ere izango dute horretarako aukera. Horiek udaletxeko Herritarren Arreta Zerbitzuen bulegoan egin beharko dute eskaera, eta familia ugariaren titulua eta familia unitateko kideen errenta aitorpeneko agiriak aurkeztu beharko dituzte udaletxean. Eskaera online egiteko aukera ere badute herritarrek, hala nahi izanez gero. Hobariak eskuratzeko beharrezkoa da familiako kide guztiak etxe berean erroldatuta egotea.

Ondasun Higiezinen Zergaren hobaria familiaren Pertsona Fisikoen Errentaren Zergaren (PFEZ) araberakoa izango da. Honako hauek dira baremoak:

Trakzio Mekanikodun Ibilgailuen Zergaren hobaria ere Pertsona Fisikoen Errentaren Zergaren (PFEZ) arabera aplikatuko dute. Dena den, honako baldintza hauek bete beharko dira hobaria jasotzeko: familia unitate bakoitzak bost plaza edo gehiagoko turismo batentzat izango du hobaria; eta ibilgailuak, gehienez, 13,99 zaldi fiskal izango ditu. Honako hau da hobarien baremazioa:

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide