Uztarriaren zozketak

Errigoraren bi saski zozkatuko ditu Uztarriak bazkideen artean

Uztarria.eus 2021ko mar. 8a, 11:21

Bazkideek osteguneko eguerdia bitartean izango dute zozketan parte hartzeko aukera. Irabazleak, berriz, ostiralean jakinaraziko dira.

Martxan da dagoeneko Errigoraren uberriko kanpaina. Nafar hegoaldeko uzta eskutik eskura lelopean, eta oliba-olio birjina estra, arroza, pasta eta kontserbak eskatzeko epea zabaldu dute. Martxoaren 24ra arte iraungo du kanpainak, eta eskaerak Errigoraren webgunearen bidez zein telefonoz egin daitezke (errigora.eus webgunean edo 848 87 12 23 telefono zenbakian). Azpeitian Elikagunean, Ikasberri Ikastolan, Orkatz kultur elkartean eta Soreasuko Elkargunean ere egin daitezke eskaerak.

Gainera, bazkideen artean zozkatzeko bi otarre eder eskaini dizkio Uztarria Komunikazio Taldeari, eta bazkideek osteguneko 12:00ak bitartean izango dute zozketan parte hartzeko aukera. Irabazleak, berriz, ostiralean jakinaraziko dira.

Zozketan parte hartu nahi duten Uztarriako bazkideek lehiaketakuztarria@gmail.com helbidera idatzi beharko dute mezua, Errigora saskia izenburuarekin. Mezuan bazkidearen izen-abizenak eta telefono zenbakia zehaztu beharko dira.