Emakume Langilearen Nazioarteko Eguna da gaur, hilak 8, eta goizean goizetik hasita herrian hainbat ekitaldi antolatu dituzte herriko taldeek. Lehen hitzordua 10:00etan izango da, Ikasle Abertzaleak taldeak hitzaldia eskainiko baitu Soreasu antzokian, Emakume langileon interesen defentsan ikasleok antolatu! lelopean. Horren ostean, elkarretaratzea egingo dute plazan, 11:30ean hasita.
Arratsaldean, berriz, bi manifestazio izango dira. Lehena Basanderiek talde feministak deitu du, eta 18:00etan plazatik abiatuko da; bigarrena, berriz, Urola Erdiko Itaiak deitu du Emakume langileon interesen defentsan lege burgesa borrokatu! lelopean, eta 19:30ean plazan hasi eta epaitegi aurrean amaituko da.