Balora ezazu Uztarriaren jarduna

Bazkideen, irakurleen eta herritarren iritzia ezinbestekoa izango da UKT kooperatibako hedabide bakoitzaren etorkizuneko erronkak finkatzeko. Horretarako, inkesta bat jarri du martxan Uztarriak.

Bi urte inguru igaro dira Urola Kostako tokiko hedabideek bat egin zutenetik. Karkarak, Baleikek, Uztarriak, Maxixatzenek, Erlo Telebistak, Zarauzko Hitzak eta Urola Kostako Hitzak, Urolako Komunikazio Taldea (UKT) osatzen dute orain, eta irakurleek hedabide bakoitzaren proiektuaren inguruan duten iritzia ezagutu nahi dugu.

Uztarriak herritarren atxikimendua behar du proiektua mantentzeko. Horregatik, bazkideen eta irakurleen iritzia garrantzitsua da guretzat. Hala, etorkizuneko komunikazio eskaintza zehazteko eta proiektua finkatzeko, ezinbestekoa zaigu irakurleok dituzuen kontsumo ereduak (papera, telebista, webguneak) zeintzuk diren, lantzen ditugun gaiekiko zer interes duzuen, landutako gaiei emandako tratamenduaz zer iritzi duzuen, aldizkarien banaketa zer iruditzen zaizuen eta abar jakitea.

Uztarriaren bazkideek mezu bana jasoko dute, posta elektronikoz, galdetegi bat betetzeko eskatuz, eta atari digitaleko nahiz sare sozialetako jarraitzaileei ere gauza bera egiteko eskatu nahi diegu.

Eskerrik asko!

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide