Zabalik dago Helduen Eskolako bigarren lauhilekoan izena emateko epea

Jose Artetxe kaleko 2. zenbakian dago Azpeitiko Helduen Eskola.

Otsailaren 4ra arte egongo da zabalik izena emateko epea, eta horretarako, eskolara bertara joan beharko da, 10:00etatik 13:00etara bitartean. Informazio gehiago behar duenak 943-81 22 03 telefonora dei dezake.

Dagoeneko zabaldu dute Azpeitiko Helduen Eskolako bigarren lauhilekoan izena emateko epea. Herritarrek otsailaren 4ra, ostirala, arte izango dute matrikulazioa egiteko epea, eta horretarako Jose Artetxeko kaleko 2. zenbakira, Perretxiko gisa ezagutzen den eraikinera, joan beharko dute, 10:00etatik 13:00etara bitartean. Informazio gehiago behar duenak 943-81 22 03 telefono zenbakira dei dezake.

Urtero moduan, euskara, etorkinentzat gaztelania nahiz irakurketaren eta idazketaren garapenerako saioak eskainiko dituzte Helduen Eskolan, baita informatika, Derrigorrezko Bigarren Hezkuntzako titulua lortzeko nahiz goi mailako zikloetarako sarbide probarako prestaketa saioak ere.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide