Lurraldebusek gaur jakinarazi duenez, bihartik aurrera –urtarrilak 20– autobusak Munategiko autobus geralekuan gelditzen hasiko dira, bidaiariek hala nahi izanez gero. UK01, UK02, UK03, UK05 eta UK06 lineetako Lurraldebusen autobusek erabiliko dute aurrerantzean Munategi auzoko geraleku berria. Munategiko biribilgunea egiteko proiektuari lotuta egokitu dituzte bi autobus geralekuak, nola Azkoitirako noranzkoan hala handik Azpeitirakoan.