Uztarriak ere martxan du Telegram kanala

Uztarriaren Telegram kanaleko irudi bat.

Mugikorrerako app hori deskargatzen dutenek eta Uztarriaren kanalera batzen direnek, Uztarria.eus-en argitaratzen den eduki oro jasoko dute –albisteak, argazkiak eta bideoak–.

Duela hilabete batzuetatik martxan du Uztarriak Telegram kanala. Azpeitiko albisteak zabaltzeko sortu zuen kanala Uztarriak, eta hain zuzen ere, Uztarria.eus-en argitaratzen den eduki oro jaso dezakete herritarrek bide horretatik –albisteak, argazkiak eta bideoak–. Oraingoz, 29 jarraitzaile ditu kanal horrek, eta Uztarriaren asmoa da talde hori handitzea eta zabaltzea.

Telegram mezularitzarako aplikazio bat da, eta Whatsapp-ak ez bezala, pribatutasun handiagoa izateko eta kanalak sortzeko aukera eskaintzen du. App-a da, eta beraz, deskargatu egin behar da Play Storeren edo App Storeren bidez. Telefono zenbakia sartu eta app-a martxan jarriko da. Bilatzailean Uztarria aurkitu eta taldean batzeko aukera hautatu behar da. Gisa horretan, Uztarria.eus-eko eduki guztiak jaso ahal izango dituzte herritarrek mugikorrean.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide