'Madame Curie' filma emango dute datozen egunetan Soreasun

Igandean eta astelehenean emango dute filma Soreasu antzokian, 19:00etan hasita. Filmak Marie Curie kimikariaren eta Pierre Curie haren senarraren istorioa kontatzen du.

Asteburuan Madame Curie filma emango dute Soreasu antzokian. Lehen emanaldia igandean izango da, 19:00etan hasita, eta astelehenean, ikusleen egunean, bigarrena (19:00). Dagoeneko eskuragarri daude saio horietarako sarrerak, Kulturaz.eus webgunean.

2020an Britainia Handian ekoiztutako filma da Madame Curie, eta Marjane Satrapi da lanaren zuzendaria. Honako hau da filmaren sinopsia: "Filmak Marie Curie kimikariaren eta Pierre Curie haren senarraren istorioa kontatzen du, Lauren Rednissen izen bereko eleberrian oinarrituta. Senar-emazteek erradioaktibitatearen teoria garatu zuten, eta irratia eta polonioa aurkitu zituzten. Bizitza osoko lana eta aurkikuntzek ekarri zituzten ondorioak jasotzen ditu aro nuklearraren hasiera islatzen duen filmak".

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide