Elurra tarteko, arazoak daude inguruko hainbat errepidetan

Joan den larunbatean Xoxotera bidean hartutako irudia.

Eusko Jaurlaritzak alerta horia ezarri du elurragatik, eta elur-kota 200-400 metro artean egongo da gaur. Elosua itxita dago. Urrakin eta Mandubian elurra ari du uneotan, eta arretaz gidatzea gomendatu dute. 

Alerta horia aktibatuta dago gauerditik 12:00ak bitarte, elurragatik. Tenperatura baxuak espero dira, eta zenbait lekutan termometroak zerotik jaistea ere posible da, eguraldi iragarpenaren arabera. Goizean prezipitazio txiki eta ertainak bota ditzake; arratsaldetik aurrera espero da atertzea. Eusko Jaurlaritzako Trafiko Zuzendaritzak emandako datuen arabera, Urola Kostako errepideetan arazoak daude. Elosua, esaterako, itxita dago uneotan. 

Arretaz gidatzea gomendatu dute, bestetik, Urrakin eta Mandubian –elurra ari du uneotan–, eta Azkaraten, Meagan, Itziarren zein Orioko gainean (Zudugarai).

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide