Traktore bete opari eta ilusio faltarik ez, ezohiko Gabon bezpera alaitzeko

Ezohiko Gabon bezpera da aurtengoa, eta Olentzero eta Mari Domingik ere nabaritu dute hori. Gaur goizean Azkoitian zehar ibili dira, eta haiekin topo egin dutenek azken gutunak emateko aprobetxatu dute. Azpeitian, aldiz, ezkutuan ibili dira Olentzero eta Mari Domingi, eta haiei laguntzen aritu dira Etxearreta baserrikoak.

Traktore gainean opariak hartuta, herriko kaleetan zehar ibili da Etxearreta, ezohiko gabon bezperari magia pixka bat jarri asmoz. Pandemia tarteko Olentzerok eta Mari Domingik ezin izan dute urtero egin ohi duten kalejira egin. Dena den, Azpeitiko haurrei mezu bat bidali diete. Haiek ikusteko datorren urtera arte itxaron beharko... 

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide