Koronabirusa Azpeitian

Ostalariek eta hornitzaileek sektorearentzat erreskate plana eskatu dute beste behin

Azpeitiko eta Azkoitiko ostalariek eta horien hornitzaileek protesta zaratsua egin dute eguerdian bi herrietan barrena. Sektorea egoera larrian dagoela esan dute, eta Eusko Jaurlaritzari eta udalei laguntza eskatu diete, orain arte agindu dizkietenak "limosna" direla iritzita.

Azpeitiko eta Azkoitiko dozenaka ostalarik eta hornitzailek auto karabana zaratatsua egin dute gaur eguerdian ere. 12:00etan abiatu dira Azpeitiko plazatik, eta herrian zehar ibili ondoren, Azkoitiruntz jo dute. Sektorearentzat urte zaila izaten ari da aurtengoa, COVID-19a zabaltzea saihesteko neurriak direla-eta denbora askoan negozioak itxita eduki behar izan dituztelako, eta lan egiteko aukera eman dietenen ere baldintza eta muga asko ezarri dizkietelako, hala ordutegiari nola edukierari dagokionean. Hori dela eta, sektorearentzat erreskate plana eskatu dute, orain arte agindu dizkieten laguntzak "limosma besterik ez" direla iritzita.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide