Izaroren eta Deñeren kontzertuetarako sarreren orduak errespetatu beharko dituzte herritarrek

Hasiera batean 19:00etarako iragarritako kontzertuetarako sarrerak erosi zituztenek 16:00etakora joan ahal izango dute, eta 22:00etarako erosi zituztenek, 19:00etakora.

Izaro eta Deñe musikariek zapatuan Soreasu antzokian eskainiko dituzten kontzertuen orduak aldatu behar izan ditu Kulturaz kooperatibak, COVID-19aren zabalkundea saihesteko Eusko Jaurlaritzak hartutako neurriak tarteko. Izan ere, indarrean diren neurriak tarteko, 21:00etarako amaitu behar dira kultur ekitaldiak.

16:00etan eta 19:00etan izango dira kontzertuak, eta sarrerak dituzten herritarrek dagokien orduko saiora joan ahal izango dute; hau da, hasiera batean 19:00etarako iragarritako kontzertuetarako sarrerak erosi zituztenek 16:00etakora joan ahal izango dute, eta 22:00etarako erosi zituztenek, 19:00etakora.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide