Erika Olaizolak 'Panpina' liburua plazaratu du

Erika Olaizola (eskuinean) 'Panpina' liburuarekin. (Susa)

Azpeitiarrak gaur, asteartea, aurkeztu du liburua Donostiako Udal Liburutegian. Panpina antzezlanaren inguruko lana da, eta Ganbila bildumaren barruan argitaratu dute.

Urte bat igaro da Erika Olaizola azpeitiarrak Panpina antzezlana aurkeztu zuenetik, eta urtebete geroago antzezlanaren inguruko liburua plazaratu du. Gaur, asteazkena, izan da aurkezpena Donostiako Udal Liburutegian, eta Olaizolaz gain bertan izan dira liburuan kolaboratu duten beste lagun batzuk ere, tartean, Leire Arenas azpeitiarra, liburuaren azala egin baitu eta antzezlanaren sormen prozesuaren parte izan baitzen.

Susak argitaratu du Panpina liburua, Ganbila bildumaren barruan, eta besteak beste Olaizolak sormen prozesuari buruz idatzitako gogoetak agertzen dira lanean. Halaber, azpeitiarrak antzezlana sortzerakoan bidaide izan zituen lagunek egindako ekarpenak agertzen dira. Honako lotura honetan irakur daiteke lanaren gaineko informazio guztia.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide