Azkoitia-Azpeitia ISB bosgarren postuan da, Ausartak Barakaldori irabazita

Azkoitia-Azpeitia ISB taldeak 89 eta 71 irabazi zion atzo Ausartak Barakaldori. Gaur-gaurkoz, sailkapenaren bosgarren postuan da taldea, zortzi punturekin.

Azkoitia-Azpeitia ISB taldeak urrian jokatu behar zuen Ausartak Barakaldo taldearen aurkako neurketa, baina COVID-19ak eragindako osasun larrialdia tarteko, bertan behera gelditu zen partida. Azkenean, baina, atzo –osteguna– jokatu zuten norgehiagoka, Azkoitian, 19:30ean hasita, eta etxeko taldea nagusitu zen. 89 eta 71 irabazi zuen Azkoiti-Azpeitiko taldeak.

ISBko jokalari onena Crystal Primm izan zen, hemeretzi puntu lortuta eta 26ko balorazioarekin; bigarren jokalari onena Sara Iparragirre izan zen, hamasei punturekin eta 21eko balorazioarekin; eta, hirugarrena, Morgan Green, hemezortzi puntu eta hemeretziko balorazioarekin.

Gaur-gauzkoz, sailkapenaren bosgarren postuan da Azkoitia-Azpeitia ISB, bost partida jokatuta eta zortzi puntu poltxikoratuta.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide