Datorren azaroaren 21ean, larunbatez, Soreasu antzokiko agertokian izango dira Izaro eta Deñe musikariak. Bi emanaldi eskainiko dituzte, baina Eusko Jaurlaritzak ezarritako neurri berriak tarteko, 21:00etarako amaitu behar dira kultur ekitaldiak, eta horregatik, bi musikarien emanaldiak orduz aldatu ditu Kulturaz kooperatibak. Hain zuzen ere, lehen emanaldia 16:00etan eskainiko dute, eta bigarrena, berriz, 19:00etan. Bi saioetarako sarrera guztiak agortuta daude aspaldidanik.