Goena egokitzeko lanak, azken txanpan sartuta

Goena sarrerako aparkaleku gunea asfaltatzeko lanak egiten ari dira egunotan (argazkian). Udalak jakinarazi duenez, lan horiekin osatuko ditu azken hilabeteetan Goenako aisia gunea eta ingurua egokitzeko eta txukuntzeko egin dituen lanak. Berdegunea egokitu, ibilgailuak garbitzeko gunea berritu eta autokarabanentzako gunea sortu zituen udalak Goenan uda aurretik, "naturgunea balioan jarri eta herritarren aisialdirako gune erosoa sortu asmoz".

Udalak 104.883,09 euroko inbertsioa egin du Goena egokitzeko lan horietan, Excavaciones y Trasnportes Orsa ari da lanak egiten eta "epe motzean" bukatuko dituzte obrak.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide