Inguruan egin daitezkeen mendien zerrenda, Lagun Onak Mendi Bazkunaren eskutik

Eusko Jaurlaritzaren neurri murriztaileak direla eta, herritarren mugikortasuna asko murriztu da. Hala eta guztiz ere, Lagun Onak Mendi Bazkunak Azpeitiko bizilagunek egin ditzaketen mendiak zerrendatu ditu. 

Joan zen asteartetik aurrera indarrean dira Eusko Jaurlaritzak ezarritako neurri murriztaileak, eta herritarren mugikortasuna mugatu egin dute neurriok. Udalerri mugakideen arteko mugikortasuna, ordea, baimenduta dago baldin eta udalerri mugakidera joateko zuzeneko bidea badago, mugakide ez diren beste udalerri batzuetatik igaro beharrik izan gabe. 

Neurri murriztaileak kontuan hartuta, Lagun Onak Mendi Bazkunak Azpeitiko bizilagunek egin ditzaketen hainbat mendiren zerrenda plazaratu du; honakoak dira Azpeitiaren herri mugakideak: Azkoitia, Deba, Zestoa, Errezil, Beizama, Beasain, Ezkio, Itsaso eta Zumarraga. Mendi horietara joateko, ordea, herritarrek zenbait oztopo dituzte. Esate baterako, Azpeitiko bizilagun batek Debako udalerrian dagoen mendi bat igo dezake Azpeititik abiatuta, baina ezin du Debara kotxez joan mendi hori handik igotzeko, ez baitago errepide zuzenik Azpeitiaren mugakide ez diren herrietatik igarotzen ez denik.

Argazkian ikus daitezke Azpeitiko bizilagunek igo ditzaketen mendietako batzuk. (Argazkia: Lagun Onak Mendi Bazkuna).

 

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide