Emakumeen Txokoak, Solasaldi feministen baitan, alokairuko sabelen gaia jorratzeko saioa antolatu du azaroaren 4rako. Hain zuzen ere, haurdunaldi subrogatuaren legeztatzearen inguruan ariko dira. Itziar Alkorta Zuzenbide zibileko irakasle eta bioteknologian eta giza-ugalketako teknologia berrietan aditua izango da gonbidatua eta June Fernandez kazetari feminista arduratuko da saioa dinamizatzeaz.
Solasaldia Emakumeen Txokoan bertan izango da, 18:30etan hasita, eta antolatzaileek jakinarazi dute beharrezkoa izango dela aurrez izena ematea, lekuak mugatuak izango direlako. Beraz, joan nahi dutenek emakumetxokoa@azpeitia.eus helbidera idatzita edo 688 75 10 00 telefono zenbakira deituta eman beharko dute izena. Saioa beharrezko segurtasun neurri guztiak hartuta egingo dutela adierazi dute antolatzaileek.