'Verano del 85' eta 'Stardog & Turbocat' filmak ikusi ahal izango dira asteburuan

Verano del 85  filma igandean eta astelehenean emango dute; bi saioak 19:00etan izango dira. Umeei zuzendutako Stardog & Turbocat filmaren emanaldia ere igandean izango da, 16:30ean. Bi film horiek duela bi asteburu ziren ematekoak, baina koronabirusaren hedapena tarteko bertan behera utzi zituzten emanaldiak.

Verano del 85 eta Stardog & Turbocat filmak emango ditu Kulturaz kooperatibak asteburuan Soreasu antzokian. Verano del 85  filma igandean (19:00) eta astelehenean (19:00) emango dute, eta Stardog & Turbocat filma ere igandean (16:30) ikusi ahal izango da. Emanaldi horietarako sarrerak Kulturaz.eus webgunean eskura daitezke.

François Ozon zuzendariarenVerano del 85 filmak Aidan Chambersen Dance on My Grave eleberrian du oinarria, eta Alexis eta David gazteek Normandian igaroko duten uda bat kontatzen du, 1985eko uda, hain zuzen. Uztailean estreinatu zuten Frantziako zinemetan, eta nazioartean, berriz, Donostiako Zinemaldian.

Stardog & Turbocat animaziozko filmak, berriz, txakur zintzo baten eta katu xarmant baten gorabeherak kontatzen ditu, etxera itzultzeko egin beharko duten bidaia espaziala. Ben Smith da zuzendaria eta lana iaz egin zuten Erresuma Batuan.

Bi film horiek duela bi asteburu ziren ematekoak, baina koronabirusaren hedapena tarteko bertan behera utzi zituzten emanaldiak.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide