Organo Erromantikoaren XXI. zikloko bigarren emanaldia, igandean

Ignacio Arakistain artxiboko irudi batean.

Ignacio Arakistain organistak eskainiko du kontzertua, Jon Aramendi tronpeta-jotzailearekin eta Mariatxen Urkia sopranoarekin batera. 20:00etan izango da, Loiolako Santutegian.

Organo Erromantikoaren XXI. Zikloa hasi da erdibidera iristen; izan ere, aurtengo emanaldietako bigarrena etzi, igandea, izango da. Etxeko musikari bat ariko da Loiolako Santutegian, 20:00etan hasita: Ignacio Arakistain organistak eskainiko du kontzertua, Jon Aramendi tronpeta-jotzailearekin eta Mariatxen Urkia sopranoarekin batera.

Azkoitian eta Bergaran ere emanaldi bana izango da bihar, zapatua. Azkoitiko Amabirjinaren Jasokundearen parrokian (20:00), Oscar Candendo organo-jotzaileak eta Ana Otxoa sopranoak eskainiko dute kontzertua, eta Bergarako San Pedro parrokian, Mikel Ansola organistak eta Akelarre abesbatzak eskainiko dute saioa (20:00).

 

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide