Ipuinen maleta hustu zuen Lur Korta ipuin kontalariak

Atzoko ipuin kontaketako irudi bat. (Azpeitiko Udal Liburutegia)

Gozatua hartu zuten atzo arratsaldean Udal Liburutegiko ipuin kontaketa saioan izan ziren haurrek. Urriaren 19an Miriam Mendozak eskainiko du 5 urteko umeei zuzendutako saioa. Hara joateko, aurrez izena eman beharko da.

Ikasturte berriarekin, ipuin kontaketen XXXI. edizioa jarri zuten martxan Udal Liburutegian, eta atzokoan beste saio bat izan zen. Lur Korta ipuin kontalaria istorioz betetako maleta gorria soinean zuela iritsi zen Enparan Dorretxera, eta gozatua hartu zuten bertaratu ziren haurrek. Ordubeteko saioan, bost ipuin entzuteko aukera izan zuten: animalien ipuina, koloretako lumak nahi zituen txoriarena, Oliber mutiko dantzariarena, Maddiren zorionetako opil borobilarena eta arraunlariena.

Hurrengo saioa urriaren 19an izango da: Miriam Mendozak eskainiko du 5 urteko umeei zuzendutako saioa, 18:00etan hasita. Plazak mugatuak izango dira, eta aurrez izena eman beharko da Enparan Dorretxean kokatuta dagoen liburutegian bertan, 943-15 71 95 telefonora deituta edo 688 81 55 06 Whatsapp zenbakira mezua idatzita.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide