Ibai Etxeberriak irabazi du Tontorramendiko igoera bertikala

Ibai Etxeberria saria jasotzen. (Argazkia: Lea Artibaiko Hitza)

Igandean jokatu zuten proba Ondarroan (Bizkaia). Etxeberriak hamabost minutu eta 56 segundo behar izan zituen bi kilometroko lasterketa amaitzeko.

Tontorramendiko igoera bertikala jokatu zuten joan den igandean Ondarroan (Bizkaia), eta Ibai Etxeberria azpeitiarra gailendu zen proban. Bi kilometroko igoera egin behar izan zuten korrikalariek, eta Etxeberriak hamabost minutu eta 56 segundo behar izan zituen helmugara iristeko. Haren atzetik sailkatu zen Josu Uriarte; Etxeberria baino hiru segundo gehiago behar izan zituen hark proba amaitzeko.
 
Guztira, 49 korrikalarik parte hartu zuten lasterketan, eta emakumeetan Maialen Loyo nagusitu zen, 18 minutu eta 48 segundoko denborarekin.
 

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide