Koronabirusa Azpeitian

Positibo berririk ez dute atzeman azken orduetan Azpeitian

Eskualdean sei kasu zenbatu zituen atzo egindako PCR probetan. Araban, Bizkaian eta Gipuzkoan 6.721 proba egin zituzten atzo, eta guztira 287 kasu positibo atzeman zituzten.

Eusko Jaurlaritzaren Osasun Sailak gaur emandako datuen arabera, atzo ez zuten SARS-CoV-2 birusarekin kutsatutako kasu berririk zenbatu Azpeitian; joan den ostiralean ere ez zen positiborik izan herrian, zapatuan bi atzeman dituzten, eta igandean bakarra.

Eskualdean sei kasu atzeman ditu Osasun Sailak: Zarautzen eta Zumaian bina, eta Azkoitian eta Orion bana. Gainerako herrietan ez dute positibo berrik hauteman PCR probetan. 

Araban, Bizkaian eta Gipuzkoan igandean egindako PCR probetan jasotako antzerako emaitzak bildu ditu Osasun Sailak atzo, astelehena. 6.721 proba egin zituzten hiru lurralde horietan, eta 287 kasu positibo atzeman zituzten. Lurraldeka, Bizkaian zenbatu zituzten kasu gehien: 169 guztira. Gipuzkoan, ostera, 88 kasu hauteman zituzten Osakidetzak eta 26 Araban. Hiru lurralde horietatik kanpo bizi diren beste sei pertsonari ere positiboa detekatu zioten.

Ospitaleratzeei dagokionez, atzo 39 lagun ospitaleratu zituzten Arabai, Bizkai eta Gipuzkoako ospitaleetan. Egun 319 pertsona daude hiru lurraldeetako ospitaleetan; ospitaleratzeek gora egin dute, 269 pertsona baitzeuden igandean ospitalean. Zainketa Intentsioben Unitatean (ZIU), berriz, 60 pertsona daude gaur gaurkoz gaixorik. R0 indizea, bestalde, 0,89ra jaitsi da azken egunetako joera berretsiz.

Nafarroan, bestalde, 311 kasu positibo zenbatu zituen Osasunbideak atzoko egunean egindako 2.230 PCR probetan. Atzo hamahiru lagun ospitaleratu zituzten Nafarroan, eta horrela egun 138 pertsona daude ospitaleratuta, horietatik hamar ZIUn. Heriotza berri bat ere zenbatu zuten, eta dagoeneko 548 pertsona zendu dira Nafarroan.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide