Ohar honen bidez, gogor salatu nahi dugu Azpeitian bizi dugun presentzia poliziala nahiz indar polizialen eskutik jasaten ditugun askatasun politikoen urraketa sistematikoak.
Mugitzeko, elkartzeko, jardun politikorako eta protestarako eskubideak kendu zizkiguten lehenik; eta orain, adierazpen askatasunaren aurkako eraso iraunkorra bizi dugu indar polizialen partetik. Esaterako, azken asteotan Azpeitiko Ikasle Abertzaleok biharko grebarako egin dugun deialdia iragartzen zuten kartel zein pankarta oro ezabatzen aritu dira inpunitate osoz, argitara irten den bideo batek erakusten duen moduan. Halaber, Krisiaren Seme-alabak Sare Sozialistaren nahiz Urola Erdiko GKS-ren pankartak kendu izana gogor gaitzesten dugu.
ASKATASUN POLITIKOEN AURKAKO ERASOA
— Urola Erdiko IA (@UrolaErdikoIA) September 14, 2020
Grebara deitzeko pankarta eta kartelak kendu dizkigute
IRAILAK 15 GREBARA pic.twitter.com/tj7isdRh3B
Irmoki salatzen dugu pandemiaren aitzakipean ezarri diguten estatu poliziala eta erabaki honen izaera politiko errepresiboa. Bestalde, kezkaz bizi dugu udaltzainak ertzaintzarekin egiten hasi diren patruila bateratuekin hartzen ari diren joera autoritarista. Etengabeko probokazio hauekin lehenbailehen buka dezaten exijitzen diegu bestaldera begira dauden euren arduradun politikoei.
Aski da!
Azpeitiko Ikasle Abertzaleak
Krisiaren Seme-alabak Sare Sozialista
Urola Erdiko GKS