Euskaraldiaren bigarren edizioa gero eta gertuago dago, azaroaren 20tik abenduaren 4ra bitartean egingo baita aurten, eta Azpeitiko taldeak azken txanpa prestatzeko bilera antolatu du biharko. Baigeran izango da juntadizoa, 19:00etan, eta edonork izango du hara joateko aukera. Antolatzaileek adierazi dutenez, eginkizun zehatzak banatuko dituzte bihar.
Aurtengo Euskaraldian norbanakoen parte hartzeaz gain entitateena ere sustatu da; herri eragile, enpresa, elkarte, klub, denda eta tabernek iraila amaitu arte daukate egitasmoan izena emateko aukera, eta biharko bileran epe horretan entitateei azken bultzada nola eman ere hitz egingo dute.