Pentsio, osasun eta zerbitzu publiko duinen aldarriekin itzuli dira plazara jubilatuak

Joan den astean iragarri zuten bezala, Azpeitiko Jubilatuen eta Pentsiodunen Plataformak ikasturte berriko lehen elkarretaratzea burutu du gaur eguerdian.

Pentsio duinen aldeko aspaldiko aldarriekin batera, astelehen eguerdietako elkarretaratzeei beste aldarrikapen batzuk ere gehitu dizkiete jubilatu eta pentsiodunek, koronabirusaren pandemiaren krisiak bereziki areagotu eta azaleratu dituen osasun, zaintza eta zerbitzu publikoen gabezien ildotik.

Gaur bezala, aurrerantzean ere astelehenero 12:00etatik 12:15era elkartuko dira plazan herriko jubilatuak eta pentsiodunak.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide