Koronabirusa Azpeitian

795 positibo berri zenbatu dituzte Hego Euskal Herrian

Nafarroan atzeman dituzte kasu gehien: 281. Nabarmen egin du behera positibo kopuruak lau lurraldeetan, baina egindako PCR probak ere gutxiago izan dira.

Osakidetzak eta Nafarroako Osasun Institutuak adierazi dutenez, 9.996 PCR proba egin zituzten atzo, zapatua, Hego Euskal Herrian, eta horietatik 795 herritarrek eman zuten positibo proban. Herenegun baino 2.686 proba gutxiago egin ziren atzo lau lurraldeetan, eta positibo kopurua ere jaitsi egin da —978 kasu zenbatu zituzten herenegun—. Nafarroa izan da kasu gehien hauteman dituzten lurraldea, 281 positibo zenbatu zituzten bertan; Bizkaian, berriz, 264 kasu berri daude, Gipuzkoan 165 eta Araban 84.

Ospitaleen egoerari dagokionez berriz, 41 pertsona ospitaleratu zituzten atzo Araban, Bizkaian eta Gipuzkoan, eta 61 dira ZIUn dauden gaixoak. Nafarroan, berriz, 15 pertsona ospitaleratu zituzten atzo, eta horietatik bat bera ere ez zuten ZIUn sartu. Bestalde, Nafarroako Osasun Institutuak adierazi du hiru pertsona hil zirela atzo lurralde horretan COVID-19arekin.

Aipatuak asteburuetan Osasun Sailak argitaratzen dituen datuak dira. Udalerrietako datuen eguneratzea eta R0 indizea astelehenean argituko dituzte. 

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide