Koronabirusa Azpeitian

Baigera elkarteak ezingo dio ohiko martxari ekin

Baigerako kideak, iaz Arroa Errekara egin zuten irteeran.

Egoerak hobera egiten ez duen artean, urteroko jarduerarik ezingo dutela antolatu jakinarazi dute batzordeko kideek.

Azpeitiko Baigera jubilatuen elkarteak ezingo du ikasturtea ohiko martxan hasi. Batzordeko kideak aste honetan elkartu dira egoeraren azterketa egiteko, eta erabaki dute egoera ez dagoela ezertan hasteko moduan. Beraz, oraingoz behintzat ez dute urteroko irteera, hitzaldi eta bestelako jarduerarik antolatuko.
 

Udal arduradunekin harremanetan daude Baigerako batzordeko kideak, eta aurreratu dute denen osasuna babesteko neurriak har ditzaketela bermatzen duten unean hasiko direla ekintzak antolatzen, eta horien berri prentsaren bidez emango dutela.

 

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide