Hil egin da Landetako istripuko auto gidaria

Uztarriak jakin ahal izan duenez, hil egin da atzo, asteartea, Landetako istripuko auto gidaria.

Istripu larria gertatu zen atzo, asteartea, GI-2634 errepidean, moto batek eta auto batek talka egin ostean. Moto gidaria, 22 urteko azpeitiarra, istripuaren unean bertan hil zen, eta Uztarriak jakin ahal izan duenez auto gidaria ere gaur hil da, 20 urteko gazte azpeitiarra. Istripuaren ostean Donostia Ospitalera eraman zuten auto gidaria, zauri larriekin.

Bestalde, Ertzaintzak ikerketa abiatu du atzoko istripuan gertatu zena argitzeko, eta istripuan izandako lekukoen bila ari da.

Erlazionatuak

Motozale bat hil da Landetan, auto baten aurka jo ostean

Besterik

Ertzaintzak jakinarazi duenez, 13:05ean gertatu da ezbeharra, GI-2634 errepidean, Landetako Egaña gozotegiaren parean.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide