Motozale bat hil da Landetan, auto baten aurka jo ostean

Ertzaintzak jakinarazi duenez, 13:05ean gertatu da ezbeharra, GI-2634 errepidean, Landetako Egaña gozotegiaren parean.

22 urteko mutil bat hil da gaur, asteartea, Landetan, motoan zihoala auto baten aurka jo ostean. Ertzaintzak adierazi duenez, 13:05ean gertatu da ezbeharra, Landetako Egaña gozotegiaren parean, GI-2634 errepidean. Autoko gidaria, berriz, 20 urteko beste gazte bat da, eta Donostia Ospitalera eraman dute zaurituta. Segurtasun Sailaren arabera, errepidea ireki dute dagoeneko.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide